[بالعربي] يوم "باي" ٢٠٢٦ يسعد أوقاتكن جميعاً! قرّب "يوم باي"، فكل عام وأنتو بخير! عم تسألوا شو هو "يوم باي"؟ هو احتفال سنوي بالثابت الرياضي π (باي). بنحتفل فيه كل سنة بـ ١٤ آذار، لأن أول تلت أرقام من "باي" هي ٣، ١، و٤. وبالعادة، العالم بتحتفل بهاد اليوم بأنها تاكل "فطاير" (Pie) أو تعمل مسابقات لتسميع أرقام "باي" الكثيرة، وغير هيك كمان. باقي كم يوم لـ ١٤ آذار، وبدنا نعزمكن تبلشوا الاحتفال معنا هالسنة وتعملوا مشاريع إلها علاقة بـ "باي"! عم تدوروا على أفكار لتبلشوا؟ اعملوا لعبة عن "باي" بحيث كل مرحلة بتفتح أرقام جديدة منه. اعملوا رسوم متحركة (Animation) لإلكن أو لحدا عم يحتفل بيوم "باي" ومبسوط! صمموا لعبة "فطيرة بالوجه"! اعملوا فيلم قصير عن "مسابقة خبز الفطير الكبرى"، برنامج مسابقات طبخ. اعملوا لعبة لازم تمسكوا فيها أرقام "باي" وهي عم تنزل بالترتيب الصح. اعملوا مشروع بيعلّم شي بيطير العقل عن "باي". صمموا مشروع موسيقي بتكون فيه الإيقاعات ماشية مع ترتيب أرقام "باي". اعملوا مشروع "مخبز فطاير" بيقدر فيه المستخدمين يطلبوا أو يزينوا معجناتهن. صمموا لوحة فنية تفاعلية فيها الأرقام ٣ و ١ و ٤ أو رمز π. اعملوا "عرض أزياء باي" فيه لبس مستوحى من الدوائر أو الفطاير. تذكروا، هي مجرد اقتراحات! فيكن طبعاً تطلعوا بأفكار من عندكن، أو تاخدوا إلهام من المشاريع الموجودة بالاستوديو! شوفوا تحت لتفاصيل أكتر عن "باي" ويوم "باي". شو رح تعملوا؟ =^..^= الأسئلة الشائعة شو هو "باي"؟ "باي" هو رقم بيمثل النسبة بين محيط أي دائرة وقطرها. شو ما كان حجم الدائرة، هالنسبة دايماً بتطلع "باي". وبالأرقام العشرية، قيمته تقريباً ٣.١٤. شو هاد الرمز π؟ هاد هو الرمز اللي منستخدمه لـ "باي"! شو هو يوم "باي"؟ يوم "باي" هو احتفال سنوي بالثابت الرياضي π. ليش بنحتفل فيه بـ ١٤ آذار؟ لما نكتب التاريخ بصيغة (شهر/يوم)، ١٤ آذار بيصير ٣/١٤. وبما إنو أول تلت أرقام من "باي" هي ٣.١٤، كرمال هيك بنحتفل فيه دايماً بهاد التاريخ. مين اللي بلّش يوم "باي"؟ أسسه "لاري شو" سنة ١٩٨٨، وهو كان موظف بمتحف "إكسبلوراتوريوم" (متحف للعلوم والتكنولوجيا والفنون بسان فرانسيسكو). والاحتفالات عادةً بتكون بأكل الفطير أو مسابقات تسميع أرقام "باي". قديه طول "باي"؟ هو رقم طويل ماله نهاية! حالياً في ٦٢.٨ تريليون رقم عشري معروف لـ "باي" :O وين بقدر أتعلم أكتر؟ شوفوا المشاريع اللي بهاد الاستوديو لتعرفوا أكتر، أو زوروا صفحة الويكيبيديا هي اللي فيها تفاصيل أكتر: en.wikipedia.org
@Scratchcat For Project And King Sammelot For Song (Shploink Overdose)
